Bir neçə aydır ki, vətəndaş nikahında olan iki şəxs Binəqədi rayonunda, daha dəqiq, Azadlıq metrostansiyasının çıxışındakı parkda yaşayırlar. Parkdan keçən insanlar nə yardım etsələr, elə dolanırlar.

Gecələr ağacların altında yatır, oturduqları daşın üstündə isə kim nə versə yeyərək qidalanırlar.

Birgə yaşayan Adil Həsənov və Məhəbbət Məmmədova çıxılmaz vəziyyətdə qalıblar.

Adil Həsənov iddia edir ki, Səlim adlı rieltor onu aldadıb. Rieltor 2010-cu ildə 10 min manat pul alsa da, nə ev tikib, nə də pulu qaytarıb.

Adil Həsənov isə məsələ ilə bağlı 2014-cü ildə Binəqədi polisinə müraciət edib.

Məsələ ilə bağlı Səlim adlı rieltorla əlaqə saxladıq. O isə bildirdi ki, 10 min manatdan 6 min manatı müxtəlif vaxtlarda geri qaytarıb.

teref.az xəzərxəbər.com-a istinadən mövzu ilə bağlı daha ətraflı videomaterialı təqdim edir.