“İraqın İslami Müqavimət” hərəkatına aid silahlı birləşmələr Deyr əz-Zor əyalətindəki Koniko qaz yatağı yaxınlığındakı ABŞ hərbi bazasını atəşə tutub.
Yeniavaz.com xəbər verir ki bu barədə “Sham” FM radiostansiyası məlumat yayıb. Məlumata görə hərəkat döyüşçüləri Amerikanın hərbi obyektinə üç raket atıblar.
Şahidlər hərbi bazanın ərazisində partlayışların olduğunu bildiriblər.
Digər təfərrüatlarla bağlı məlumat verilməyib.
Qeyd edək ki, fevralın 8-də Suriyanın şərqindəki Əl-Ömər neft yatağı yaxınlığındakı ABŞ hərbi bazası da pilotsuz təyyarələrlə hücuma məruz qalıb.