Müttəfiq ölkələr 2022-ci ilin fevralında Rusiyanın xüsusi hərbi əməliyyata başlamasından bəri Kiyevə 85 milyard dollardan çox hərbi yardım ediblər.
Yeniavaz.com Pentaqonun mətbuat xidmətinə istinadla xəbər verir ki, bu barədə ABŞ-nin müdafiə naziri Lloyd Ostin Brüsseldə Ukrayna üzrə təmas qrupunun görüşündə bildirib.
“ABŞ-nin rəhbərlik etdiyi dünyanın 50 ölkəsindən ibarət tarixi koalisiya 2022-ci ilin fevral ayından bu yana Ukraynaya 85 milyard dollardan çox hərbi yardım göndərib”, - Ostin bildirib.
“Biz Rusiyanın qalib gəlməsinə imkan verməyəcəyik. Bu gün yenidən praqmatizm və prinsiplərlə birləşərək çiyin-çiyinə dayanan müttəfiqlərimiz də imkan verməyəcək”, - Pentaqon rəhbəri əlavə edib.