Poliqonda milyonlarla dəyəri olan avtomobil kolleksiyası tapıldı - 40 il gizlədilib

3-10-2024, 09:34           
Poliqonda milyonlarla dəyəri olan avtomobil kolleksiyası tapıldı - 40 il gizlədilib
ABŞ-da təxminən qırx il ərzində poliqonda qalan lüks köhnə avtomobil kolleksiyası aşkar edilib.

TEREF xəbər verir ki, bu barədə "Daily Mail" məlumat yayıb.

Los-Ancelesin kənarında 566-dan çox avtomobil və hissələri tapılıb. Kolleksiya 1950-ci illərdə ABŞ-a köçmüş alman mühacir Rudi Kleinə məxsus olub. O, 1967-ci ildə məşhur "Porsche Foreign Auto" poliqonunu açıb. Kənardan baxanda polad hasarlar və tikanlı məftillərlə örtülmüş zibilxana tərk edilmiş görünür, amma içəridə lüks avtomobillər - "Lamborghini", "Porsche" və "Ferrari" var.

Klein heç vaxt kolleksiyası haqqında danışmayıb - yalnız seçilmiş bir neçə nəfər ora daxil ola bilib. Kolleksiyaçı 2001-ci ildə vəfat edib, lakin qohumları kolleksiyanın toxunulmaz qalmasına əmin olublar.

"Daily Mail"in məlumatına görə, köhnə avtomobillər oktyabrın sonunda hərraca çıxarılacaq. "RM Sotheby's" saytına görə, "Junkyard: The Rudy Klein Collection" auksionu Kleinin varislərinə milyonlar qazandırmalıdır. Lotlar arasında tarixdə ilk superkar sayılan üç bərpa edilmiş "Lamborghini Miura" var ki, onların hazırkı dəyəri təxminən 2 milyon dollardır./Valyuta.az












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru