Kaluga vilayətində, 29 yanvar tarixində, Küybışev rayonunun Usokhi kəndində üç meşə işçisinin qətlə yetirilməsi ilə bağlı Rusiyanın İstintaq Komitəsinin regional idarəsi tərəfindən dörd cinayət işi açılıb.

32gun.az Rusiya mediasına istinadən xəbər ki, bu barədə İstintaq Komitəsinin Telegram kanalı məlumat verib.

Cinayət işləri, meşə işçilərinin xidmət fəaliyyətlərini həyata keçirərkən öldürülməsi, qeyri-qanuni azadlıqdan məhrumetmə, mülkiyyətin yandırılmaqla qəsdən məhv edilməsi və qeyri-qanuni silah dövriyyəsi maddələri üzrə açılıb. Bütün materiallar bir işə birləşdirilib.

Hadisə, 29 yanvar səhər saatlarında baş verib. Beş nəfərdən ibarət işçi qrupu, 64 yaşlı yerli sakin, meşənin qanunsuz kəsilməsi ilə bağlı şübhəli bilindiyi üçün onun evinə getmişdi. Şübhəli, onlara atəş açaraq üç nəfəri öldürüb. İki meşə işçisini öz evinə apararaq onları qolbaqla bağlayıb.

"Sonra cinayətkar, xidmət avtomobilini evdən uzaqlaşdırıb və onu yandırıb. Maşının içində bir meşə işçisinin yanmış cəsədi tapılıb", - Kaluga vilayətinin İstintaq Komitəsinin məlumatında qeyd edilib.

Sonra, şübhəli kişi intihar edib. Onun evində aparılan axtarışda silah və sursatlar tapılıb. Əvvəllər o, cinayətə görə məhkum edilmişdi.