"Meta" korporasiyasının daxili məlumatların açıqlanmasını qadağan edən xidməti qeydlərinin məzmunu mediaya sızıb.
İqtisadiyyat.az xəbər verir ki, bu barədə "Verge" nəşri Meta-nın informasiya təhlükəsizliyi direktoru Qay Rozenə istinadən məlumat yayıb.

"Biz informasiya sızmalarını ciddi qəbul edirik və tədbirlər görəcəyik",- deyə Rozen daxili qeydlərində bildirib.

Onun sözlərinə görə, məlumatın oğurlanması və ya sızması şirkətin təhlükəsizliyinə birbaşa təsir göstərir.

Nəşr qeyd edir ki, "Meta"nın baş direktoru Mark Zukerberqin əməkdaşlara ünvanlanan bəzi şərhləri internetə sızdırıldıqdan dərhal sonra, şirkət rəhbərlərindən biri xidməti qeyd göndərərək daxili məlumatları açıqlayan şəxslərin işdən çıxarılacağını xəbərdar edib.