Rusiyada bloqerlər Asxab Tamayev və Axmed Alisxabov (Venqalbi) arasındakı mərc ikincinin xeyrinə başa çatıb. Venqalbi avtomobil yarışında Tamayevi qabaqlayıb.

Müvafiq kadrlar sonuncunun "YouTube" kanalında dərc olunub.

Mərcə əsasən, Axmed Asxabın avtomobillərinə (cəmi 5 ədəd) od vurub. "Mercedes G Class", "Lamborghini", "Rolls-Royce", "Bentley" və BMW kimi lüks avtomobillər alovlara qərq olub.

Yanan avtomobillərin ümumi dəyərinin 5 milyon dollardan yuxarı olduğu bildirilir.

Qeyd edək ki, bloqerlər arasındakı mübahisə energetik içkilərin reklamı ilə başlayıb. Tamayevin öz videolarının birində içkini reklam etməsi Venqalbinin xoşuna gəlməyib və Axmed Asxabın BMW avtomobilinin təkərlərinə od vurub. Bundan sonra onlar avtoparklarını mərcə qoyaraq yarış təşkil ediblər. Qalib uduzan tərəfin avtomobillərini yandırıb.