Moskvada “GDR” və “The Telki” seriallarının aktyoru Aleksandr Obmanov səhvən həbs edilib.
MK.ru xəbər verir ki, onun kirayə qaldığı evdə “şəhid kəməri” olduğu güman edilən bir əşya aşkar edilib.

Fevralın 4-nə keçən gecə Obmanov sevgilisi ilə birlikdə evə gedərkən saxlanılıb və polis bölməsinə aparılıb. Araşdırmalardan sonra məlum olub ki, bu, sadəcə çəkilişlər üçün rekvizit olub və cütlük azad edilib.

Məlumata görə, rekviziti ev sahibinin oğlu tapıb. O, 3 fevralda mənzili yeni kirayəçiyə hazırlamaq üçün ora gəlib və balkonda skotçla sarılmış 10 paket aşkarlayıb. O, bunları partlayıcı hesab edərək polisi çağırıb.

Aleksandr Obmanov 2012-ci ildə VGİK-in rejissorluq fakültəsini, 2018-ci ildə isə Herman Sidakovun Dram Məktəbini bitirib. Onun filmografiyasında “GDR”, “The Telki”, “Mosqaz” və digər 17 layihə yer alır.