"Azərbaycan Dəmir Yolları” QSC-də (ADY) Kommunikasiya departamentinin müdiri Aybəniz İsmayılova vəzifəsindən rəsmən azad edilib.

Mia.az-ın əldə etdiyi məlumata görə, ADY rəhbəri Rövşən Rüstəmov onu ötən ayın əvvəlində vəzifədən kənarlaşdırmağa çalışsa da, departament rəhbəri məzuniyyət götürdüyündən, bu, mümkün olmayıb.

Mənbə bildirir ki, məzuniyyət müddəti bu günlərdə bitib və dünən Aybəniz İsmayılova qurumdakı vəzifəsindən rəsmən kənarlaşdırılıb.

Xəbərdə o da deyilir ki, R.Rüstəmov ADY-də ona yaxın daha bir neçə nəfəri də azad etməyə hazırlaşır.