Vatikan Roma Papasının seçilməsi üçün keçiriləcək konklava hazırlıqlar çərçivəsində Sikstin kapellasının damında simvolik əhəmiyyət kəsb edən baca quraşdırıb.

Bu barədə BBC məlumat yayıb.

Cümə günü Vatikan kapellasının damında yanğınsöndürənlərin baca quraşdırmaqla məşğul olduğu müşahidə edilib. Bu, 7 mayda keçiriləcək konklav üçün vacib hazırlıq addımıdır.

Baca səsvermənin nəticələri barədə məlumat vermək üçün həlledici əhəmiyyət kəsb edir. İkinci tur səsverməsindən sonra kardinalların səsvermə bülletenləri xüsusi sobada yandırılır və bacadan çıxan tüstü səsvermənin başa çatdığını göstərir.

Pontifik postuna əsas namizədlər arasında üç italyan var: 70 yaşlı Müqəddəs Taxtın dövlət katibi kardinal Pyetro Parolin, 60 yaşlı Qüds patriarxı kardinal Pyerbatista Pitsaballa və 69 yaşlı Bolonya arxiyepiskopu kardinal Matteo Mariya Dzuppi (hazırda İtaliya Yepiskop Konfransına da o rəhbərlik edir).

Xatırladaq ki, Roma Papası Fransisk 21 apreldə 88 yaşında vəfat edib.