"Meta"nın avtomatik tərcümə alqoritmi Hindistanın Karnataka ştatının baş nazirinin dəfni ilə bağlı başsağlığı verməklə ciddi səhvə yol verib.
Bu barədə NDTV telekanalı məlumat yayıb.

Şirkət məşhur hind aktrisası Saroca Devini siyasətçi ilə qarışdırıb və daha sonra buna görə üzr istəyib.

Məlumata görə, Karnataka Mədəniyyət İşləri Departamenti sosial mediada aktrisanın vəfatı ilə bağlı başsağlığı dərc edib. "Meta" isə yazını avtomatik olaraq ingilis dilinə tərcümə edərkən baş nazirin dəfn edildiyini yazıb.

Bu yanlış tərcümə əyalət hökumətinin dərhal reaksiyasına səbəb olub. Baş nazir Siddaramayya özü sosial şəbəkədəki paylaşımında bu məsələyə toxunub. O, "Meta"ya rəsmi məktub yazdıqdan sonra şirkət problemi etiraf edib və texniki xətanın aradan qaldırıldığını bildirib.