Avto.ru saytında unikal "Maybach 62S" limuzini satışa çıxarılıb.
Satıcı avtomobilin əvvəllər Qətər şeyxinə məxsus olduğunu iddia edir.

Cəmi 6.5 min kilometr yürüşü olan və 19 il əvvəl istehsal olunmuş avtomobilə 43 milyon rubl (təxminən 931 min manat) qiymət təyin edilib.

Limuzinin uzunluğu təxminən 6.2 metrdir. Altı litr həcmli V12 mühərriki 612 at gücünə malikdir. "Maybach" 100 km/s sürəti 5.2 saniyəyə yığır. Şəhərdə yanacaq sərfiyyatı 100 kilometr üçün təxminən 25 litrdir.