Salyan rayon icra hakimiyyətinin başçısı Sevindik Hətəmov yaxın günlərdə vəzifəsindən uzaqlaşdırıla bilər. Gundeminfo.az-a daxil olan məlumata əsasən icra başçısı ilə bağlı olaraq yuxarı dairələrdə ciddi narazılıqlar var. Məlumata əsasən 2017-ci ildə ən çox şikayət edilən rayonlardan biri kimi Salyan rayonun olması icra başçısı ilə bağlı qərarın verilməsini tezləşdirə bilər.

Təkcə vətəndaşların şikayətləri ilə bağlı deyil, eyni zamanda ötən il üzrə aqrar göstəricilərində də Salyan rayondan pis nəticələrin olması Sevindik Hətamovun işdən alınmasını tezləşdirə bilər. Bundan başqa Salyanda təhsil üzrə göstəricilər, eyni zamanda səhiyyə sahəsindən əhali narazılıqlarının çoxalması vəziyyəti bir qədər də qəlizləşdirib.

İcra başçısı bu günlərdə keçirdiyi toplantıda rayon üzrə sadalanan göstəıricilərin kifayət qədər pis olduğu dilə gətirib. Mövzu ilə bağlı qarşı tərəfin də mövqeyini dinləməyə hazırıq.
gundeminfo.az