85 yaşlı amerikan sinemasının canlı əfsanəsi Frensis Ford Koppola yeni filmi olan “Megapolis”in tizerini paylaşdı. Paylaşım Kann festivalının açılışı ərəfəsində edildi.
“Megapolis” 1979-cu ildə Apocalipsis filminin Kannın əsas mükafatını – Qızıl Palma budağını qazanmasından təxminən 40 il sonra çəkilib.

Koppola film üzərində 30 ildən çoxdur ki, işləyir, onun xəyalını qururdu. Süjet qədim Roma tarixçisi Qay Salustius Crispusun "Katilinanın sui-qəsdi haqqında" traktatına əsaslanır. Ünlü memar Serj Katilina gələcəyin Nyu-Yorkunu dünyanın utopik mərkəzinə çevirməyə çalışır. Ancaq Nyu Yorkun meri Frank Cicero-nun layihəsi ilə rəqabət aparmağa məcbur qalır...
“Megapolis” Koppolanın şəxsi vəsaiti ilə çəkilib.

İki dəfə Qızıl Palma Budağı mükafatı qazanmış Koppola yeni filmi ilə birinciliyə ən real namizədlərdəndir.
https://t.me/ibrahim_nebioglu