Samir Şərifovun sərnişidaşıma sahəsini inhisara almaq istədiyi iddia olunur
Bir neçə gündür ki, Bakıda sərnişidaşıma şirkətləri arasında qalmaqal yaranıb. Qalmaqalın kökündə “Xaliq Faiqoğlu” şirkətinə məxsus 3 marşrutun xətdən çıxarılması dayanır. Söhbət 16, 18 və 96 saylı marşrutların xətdən çıxarılmasından gedir. “Xaliq Faiqoğlu” şirkətinin rəsmiləri bildirir ki, marşrutların xətdən çıxarılması “BakuBus” MMC-yə görədir. Onların iddiasına görə, Bakı Həqliyyat Agentliyi “BakuBus” MMC-nin rəqiblərini sıradan çıxarmaqla məşğuldur.
Mövzu ilə bağlı 24saat.org-a da maraqlı məlumatlar daxil olub. Məlumatlarda bildirilir ki, “BakuBus” MMC maliyyə naziri Samir Şərifovun nəzarətindədir. Həqliyyat naziri Ziya Məmmədov hədəfə gələndən sonra bu quruma aid bəzi səlahiyyətlər əlindən alınıb. Bu prosesdə sərnişindaşıma faktiki olaraq Samir Şərifovun nəzarətinə keçib. Təsadüfi deyil ki, bir müddət əvvəl prezident İlham Əliyev “BakuBus” MMC-nin qarajının açılışında iştirak edərkən onu Samir Şərifov müşayiət edib.
Məlumatlarda bildirilir ki, ümumiyyətlə, son dövrlər Samir Şərifov hakimiyyətdə iqtisadi gücə çevrilib. O, artıq fövqəladə hallar naziri Kəmaləddin Heydərovla müqayisə edilir. Maliyyə bazarı faktiki olaraq tamamilə Samir Şərifovun nəzarətindədir. Bundan başqa Beynəlxalq Bankdan götürülən kreditlər hesabına yaradılan iri müəssisələr də onun ixtiyarına verilib. Hətta parkomatların da artıq maliyyə nazirinin nəzarətində olduğu barədə iddialar var.
Məlumatda deyilir ki, tədricən “BakuBus”ın rəqibləri tamamilə sıradan çıxarılacaq və adçıkilən şirkət bu sahədə şəriksiz lider olacaq.
24SAAT.ORG