Suraxanı rayon Məhkəməsinin hakimi Elçin Ağayev Vaqif Abdullayevə şillə kimi qərar çıxardı…
Vaqif Abdullayev Beyləqan Mərkəzi Futbol Meydançasının tikintisinə ayrılan vəsaitin tenderə girilmədən xərclənməsini necə edib? Bu suala xeyli vaxtdır cavab axtarmaqdayıq… Söhbət ondan gedir ki, hələ 2009-cu ildən Beyləqandakı mərkəzi futbol meydançası ətrafında qalmaqal hələ də davam edir. Belə ki, RİH başçısı Vaqif Abdullayevin adı çəkilən futbol meydançasının inşasını həyata keçirən "İSPİK" MMC tikinti şirkəti ilə aralarında, necə deyərlər, dədə-baba üsulu ilə apardığı razılaşma sonradan məhkəmə müstəvisinə çıxıb. Belə ki, Vaqif Abdullayev aşağıda məzmunu geniş bəhs ediləcək tikinti işinə əl qoyur, sonra podratçı "İSPİK" MMC tikinti şirkətinin rəhbərini yanına çağırıb «centlemen» sazişi bağlayır, 600 min manatdan çox məbləğə razılaşırlar… Stadion vaxtında istifadəyə verilir, hətta Prezident İlham Əliyev açılışında iştirak edir... Lakin iş başa çatandan sonra podratçı "İSPİK" MMC-yə pul vermək lazım gəlir, bu dəfə V.Abdullayev şifahi razılığl pozur, Abdullayev pulun hamısını (400 min manat nəğd verilir) verməkdən imtina edir... RİH başçısı bunun səbəbini guya işin keyfiyyətsiz görülməsi və tikintinin tam başa çatdırılmaması ilə əlaqələndirir. Kiməsə (artıq «Təzadlar»a məlumdur) arxalanan V.Abdullayev şirkət rəhbərinə «Əkil burdan!» komandası verir… Sonra hüquqlarını müdafiə etmək istəyən "İSPİK" MMC tikinti şirkətinin rəhbəri Qabil Mülariz oğlu Mustafayev aidiyyəti dövlət qurumlarına şikayət etməli olur…


Tikinti keyfiyyətsiz və yarımçıq idisə, bəs stadionun açılışına niyə Prezident dəvət edilmişdi???
Beyləqan RİH başçısının tender fırıldağı üzə çıxdı-«Təzadlar»ın araşdırması… -YENİLƏNDI
İcra başçısı ortaya qoyduğu arqumentinin mənasız olduğunu bilsə də, inadkarlığından dönmür. Həqiqətən də, əgər tikinti işləri keyfiyyətsiz və yarımçıq həyata keçirilmişdisə, bəs stadionun açılışı niyə həyata keçirilib? Bundan əlavə, belə yarımçıq və keyfiyyətsiz tikinti ilə başa vurulmuş stadiona niyə ölkə Prezidenti dəvət edilmiş və rəsmi açılış mərasimi həyata keçirilmişdir?
Bütün bunlara baxmayaraq, Beyləqan RİH başçısı V.Abdullayev vəziyyətdən girəvəli çıxış yolu tapmış kimi, guya işgüzar nüfuzuna ciddi xələl vurulması, ona böhtan atılması iddiası ilə "İSPİK" MMC tikinti şirkətinin rəhbəri Qabil Mülariz oğlu Mustafayevin barəsində «Xüsusi ittiham qaydasında» şikayət ərizəsi ilə Suraxanı rayon Məhkəməsinə üz tutur.
Nəhayət, məhkəmənin ilkin hazırlıq iclası keçirilir… Barəsində şikayət edilən "İSPİK" MMC tikinti şirkətinin rəhbəri Qabil Mülariz oğlu Mustafayevin məhkəməyə təqdim etdiyi sənəd və sübutlar RİH başçısı V.Abdullayevin şikayətinin qurama olduğunu, əsassız yazıldığı qənaətinə gəlir. Hətta məhkəmədə bir vacib suala cavab istənilir ki, yaxşu, tikintinin keyfiyyətsizliyini qoyaq bir kənara, bəs bu qədər məbləğ tenderdən keçməyibsə, dövlətin maraqları və nüfuzu qorunmayıbsa, siz özünüzün hansı işgüzar nüfuzunuzdan danışırsınız?
Hakimn bu məntiqli və ağıllı sualından sonra Beyləqan RİH başçısı V.Abdullayev iddia ərizəsindən imtina etməlii olub, amma…

İcra başçısının iddia ərizəsində şok məqamlar…

Beləliklə, «Təzadlar» Beyləqan rayon İcra Hakimiyyətinin başçısı Vaqif Abdullayevin şikayət ərizəsini əldə edib. Aşağıda heç bir şərh vermədən təqdim edirik:
«Suraxanı rayon Məhkəməsinə
Xüsusi ittihamçı Abdullayev Vaqif İdris oğlu
Barəsində şikayət olunan şəxs Mustafayev Qabil Mülariz oğlu
2014-cü ilin fevral ayında «İsrik» MMC ilə rəsmi müqavilə bağlanmamış, Beyləqan şəhər Stadionunun əsaslı təmiri ilə bağlı şifahi razılaşma əldə olunmuşdur. Şifahi razılaşmaya əsasən, İcra Hakimiyyəti təərfindən «İspik» MMC-nə işin gedişi ilə bağlı istənilən texniki yardım (traktor, maşın-mexanizmlərlə təminat) göstərilsə də, şəhər stadionunda planlaşdırılan işlər keyfiyyətsiz icra edilmiş və tam başa çatdırılmamışdır. Bu barədə «Spik» MMC-yə dəfələrlə xəbərdarlıq edilməsinə baxmayaraq, cəmiyyət tərəfindən qeyd olunan nöqsanlar aradan qaldırılmamış, həmin işlər tərəfimizdən başa çatdırılmışdır.
Bütün bunlara baxmayaraq Rayon İcra Hakimiyyəti tərəfindən «İspik» MMC-yə icra olunmuş işlərə görə razılaşdırılmış vəsait artıqlaması ilə ödənilmişdir. Lakin buna baxmayaraq «İspik» MMC tərəfindən görülməmiş və başa çatdırılmamış işlərə görə də heç bir əsas olmadan İcra Hakimiyyətindən əlavə vəsait tələb edilir. Cəmiyyətə görülməmiş və başa çatdılımamış işlərə görə də əlavə vəsaitin ödənilməsi mümkün olmadığı dəfələrlə MMC-nin rəhbəri Qabil Mülariz oğlu Mustafayevə bildirilmiş, narazı qaldığı halda isə mübahisənin həlli üçün məhkəmə orqanlarına müraciət etməsi tövsiyyə olunmuşdur. Lakin o, buna baxmayaraq böhtan şaiyə xarakterli məktublarla müxtəlif orqanlara davamlı olaraq müraciət edir. Belə ki, Mülariz Mustafayev əsassız olaraq 16 mart 2015-ci il tarixdə 4469-3940 saylı ərizə ilə Azərbaycan Respublikasının Prezidenti cənab İlham Əliyevə, 03 aprel 2015-ci ildə 10-80-36 saylı müraciətlə Azərbaycan Respublikasının Prezidenti cənab İlham Əliyevə, Azərbaycan Respublikası Milli Məclisinin deputatı xanım Qənirə Paşayevaya, Azərbaycan Respublikası Milli Məclisinin deputatı Çingiz Qənizadəyə, Azərbaycan Respublikası Milli Məclisinin deputatı, millət vəkili Fazil Qəzənfəroğluna, ANS və ATV Tele-radio Verilişləri şirkətlərinə… yalan və böhtan xarakterli müraciətlər etmişdir (şikayətdə çoxsaylı ünvanlar göstərilir.Red.)».
Şikayət ərizəsində daha sonra yazılır: «… «İspik» MMC-nin rəhbəri Mustafayev Qabil Mülariz oğlunun
Əsassız, böhtan xarakterli şikayətləri nəticəsində bir çox instansiyalara mütəmadi cavab vermək məcburiyyətində qalmışam, eyni zamanda rayon İcra Hakimiyyətinin başçısı kimi mənim barəmdə qeyd edilən yalan məlumatlar şərəfimə, ləyaqətimə və işgüzar nüfuzuma ləkə gətirərək əsassız olaraq mənim vaxt itirməyimə, əsəb gərginliyi və mənəvi sarsıntı keçirməyimə səbəb olmuşdur. Bu cür yalan və böhtan xarpakterli məlumatlar yuxarı dairələrdə barəmdə qərəzli surətdə mənfi rəy formalaşdırmağa və ictimaiyyət arasında isə nüfuzdan salmağa yönəlmişdir».
Xüsusi ittihamçı, Beyləqan RİH başçısı V.Abdullayev məhkəmədən xahiş edir: «…Mustafayev Qabil Mülariz oğlunun Azərbaycan Respublikası CM-nin 147.1-ci maddəsi ilə məsuliyyətə cəlb edərək barəsində ittihamedici hökm çıxarılmasını xahiş edirəm.
Vaqif Abdullayev, 15 aprel 2015-ci il. 3 vərəqdə».
- Hakim Elçin Ağayevin hansı məntiqli sualı icra başçısının korrupsiya əməlini üzə çıxartdı ki, V.Abdullayev biabır olmamaq üçün iddia ərizəsini geri götürməyə məcbur oldu?
- V.Abdullayev Qabil Mustafayevə gördüyü işə görə verilən 400 min manatdan çox nağd pulu haradan alıb?
- Bəs Prezidentin Ehtiyat Fondundan Beyləqan RİH-ə ayrılan vəsait necə xərclənib?
- Bu vəsaitin xərclənməsi tenderdən necə keçirilmiş?
(Davamı var)


«Təzadlar»ın Araşdırma Qrupu