"Madeyra" mebel mağazasından alınan bu çarpayı müştərilərin ciddi narahatlığına səbəb olub.

32gun.az xəbər verir ki, Yeni aldığı məhsulun keyfiyyətsizliyindən şikayətlənən istehlakçı, çarpayının çox davamsız və dayanıqsız olduğunu bildirərək hər kəsi "Qətiyyən almayın!" deyə xəbərdar edir.

Şəkildə də göründüyü kimi, çarpayının döşək üçün nəzərdə tutulan taxta rejimləri (latları) olduqca nazikdir, konstruksiya isə ümumilikdə zəif və etibarsız təsir bağışlayır. Bu cür zəif materiallardan hazırlanmış bir çarpayının normal istifadəyə davam gətirməsi sual altındadır.

Müştəri narazılığının əsas səbəbi:

Çox davamsız konstruksiya: Çarpayı minimal ağırlığa belə tab gətirə bilmir.

Təhlükəli və dayanıqsız: Bu, yalnız pul itkisi deyil, həm də istifadə zamanı təhlükə yarada bilər.

Qeyd edək ki, "Madeyra" brendi Embawood şirkətinə aiddir. "Embawood Azərbaycan"da fəaliyyət göstərən ən tanınmış mebel istehsalçılarından biridir və Madeyra onun beş brendindən biridir.

Deputat Məşhur Məmmədov "Embawood" şirkətinin təsisçisidir. Şirkətin əsası 1996-cı ildə Masallıda Məşhur Məmmədov tərəfindən qoyulub, hazırda şirkətə Elşad Abbasov adlı sahibkar rəhbərlik edir.

2010-cu ildən şirkət ikinci ev mebeli brendi – “Madeyra”nı bazara çıxarıb və hazırda bu brend altında 70-dən çox mağaza fəaliyyət göstərir.

Biznesmen, deputat kimi tanınan Məşhur Məmmədovun təsisçisi olduğu “Embawood”un Azərbaycanda və MDB ölkələrində çoxlu sayda fabrik və satış mərkəzləri mövcuddur.