Gürcüstan və Azərbaycan uzun illərdir Cənubi Qafqaz regionunun müdafiə və təhlükəsizliyi sahəsində sıx əməkdaşlıq edirlər.

Teleqraf.com gürcü KİV-ə istinadla xəbər verir ki, bunu Gürcüstanın Xarici Kəşfiyyat Xidmətinin keçmiş əməkdaşı Teymur Tumanişvili deyib.

Gürcü kəşfiyyatçı Türkiyə, Azərbaycan və Gürcüstanın bölgədə təhlükəsizliyin təmin edilməsində ciddi rol oynadığını bildirib:

“Bir qayda olaraq, təlimlər türk tərəfdaşlarımızla birgə həyata keçiririk. Bu, ölkələrimizdə və regionda sabitliyin qorunması üçün görülən bir sıra tədbirlər, bu dövlətlərin müdafiə nazirlikləri tərəfindən imzalanmış üçtərəfli sazişlərdən irəli gəlir. Bütün bunlar göstərir ki, Azərbaycan və Gürcüstan üçün bu birgə təlimlər və manevrlər qarşılıqlı faydalı əməkdaşlığın inkişaf etdirilməsi baxımından ənənə halına gəlib”.