Müsavat Partiyasının başqan müavini Osman Kazımov AXCP-nin rəyasət heyətinin “zoom” iclasında cəbhəçilərin müsavatçılara qarşı söyüş və təhqirlərə yol vermələrini uğursuz addım kimi dəyərləndirib. Müsavatçı funksioner SİA-ya verdiyi açıqlamada deyib ki, cəbhəçilərin hərəsi bir söz danışır: “Hesab edirəm ki, gərək cəbhəçilər müsavatçılara qarşı bu cür yanlışlığa yol verib, səhv fikirlər söyləməyəydilər”.

Osman Kazımov onu da bildirib ki, hazırda şəxsi işləri ilə bağlı rayondadır və Bakıya geri döndükdən sonra AXCP-nin rəyasət heyətinin virtual toplantısında müsavatçılara yönəlmiş təhqiramiz ifadələrə geniş münasibətini və fikirlərini açıqlayacaq.
SİA.AZ