Bakıdan getməyə məcbur oldum...

Bakupost TV-də yayımlanan “Saturasiya” verilişinin qonağı ABŞ-nin Texas ştatında fəaliyyət göstərən tanınmış azərbaycanlı LOR və baş-boyun cərrahı, akademik Dr. Yusif Hacıyev olub

Veriliş zamanı Dr. Hacıyev Azərbaycandan köçmək səbəbləri, ABŞ-də həkim və pasiyent hüquqları, səhiyyənin təşkili, Azərbaycanla fərqlər, müəllim kimi fəaliyyəti, gələcək planları və Azərbaycan səhiyyəsində dəyişikliklərin zəruriliyi barədə danışıb. O bildirib ki, ABŞ-də sağlamlıq sistemində şəffaflıq, hüquq və etik prinsiplərə hörmət üstünlük təşkil edir, bu da həkim-pasiyent münasibətlərində etimadı gücləndirir.
“Amerikada səhiyyəyə də, işə də çox dəyər verirlər. Orada işini itirsən tibbi sığortanı itirirsən. İş müqəddəs olduğu üçün peşələrdə çox professionallaşma gedir, xüsusən səhiyyə sahəsində...

Əgər istəyirsənsə, yaxşı səhiyyən, tibbi xidmətin olsun, yaxşı işin və sığortan olmalıdır.

Amerika səhiyyə sistemində çox israf var. Bir dəqiqənin içində 10 min, 100 min dollarlıq tibbi ləvazimat, dərman bir gün vaxtı keçibsə, atılır. Ona görə çox yüksək, innovativ, keyfiyyətli tibbi xidmət göstərilir”.

Verilişdə həmçinin həkimin elmi və pedaqoji fəaliyyəti, Azərbaycan səhiyyəsində görülməsi vacib olan islahatlara dair fikirləri də geniş müzakirə olunub.

Qeyd edək ki, verilişi uzman doktor Turanə Rəsulova aparır.
TEREF həmin müsahibəni təqdim edir: