Fransa polisi İnterpolun korrupsiyada şübhəli bilinən sabiq rəhbəri Men Hunveyin ölkə ərazisində itməsinə dair heç bir dəlil tapmadığından, araşdırmanın onların səlahiyyətləri daxilində olmadığı qərarına gəlib.

"Report"un "Associated Press"ə istinadən verdiyi xəbərə görə, təhqiqatçılar bildiriblər ki, bundan əlavə hüquq-mühafizə orqanları Hunveyin itməsindən sonra onun həyat yoldaşına təhdid dolu zənglərin gəlməsi ilə bağlı da heç bir sübuta rast gəlməyiblər.

Bundan əvvəl İnterpolun sabiq rəhbərinin həyat yoldaşı təhdidlər barədə danışıb.