“Forbes” jurnalının Ukrayna versiyasının keçmiş baş redaktoru Maksim Kuxar Ukraynanı Rusiyaya qoşunları daxil etməyə çağırıb.

Publika.az xəbər verir ki, o, bu haqda Feysbuk səhifəsində yazıb.

Kuxar bildirib ki, Ukrayna ordusunun bölmələri demokratiyaya dəstək üçün təcili Rusiya ilə sərhədə yeridilməlidir.

“Rusiyada yeni demokratik hakimiyyətin dəstəklənməsi üçün bütün qoşunları hazırlamaq lazımdır... Ukrayna parlamenti artıq indi toplaşmalı və qoşunların Rusiyaya daxil edilməsi üçün Ali Baş Komandana icazə verməlidir”, - jurnalist qeyd edib.

Kuxar hesab edir ki, Ukrayna qoşunlarına Rusiya qanunlarını öyrətmək lazımdır ki, onlar ölkə ərazisində hərəkət edə bilsinlər.