“Düşməncə mövqe tutan qüvvələr koronavirus epidemiyasının yaratdığı böhrandan istifadə edə bilər. Bu vəziyyət terror qruplaşmalarını cəsarətləndirə bilər”.

Publika.az xəbər verir ki, NATO-nun baş katibi Yens Stoltenberq Müdafiə nazirləri arasında baş tutan telekonfransın yekunlarına həsr olunmuş çıxışında belə xəbərdarlıqla edib. O bildirib ki, NATO ölkələri “Covid-19”la mübarizə çərçivəsində gələcəyə dair planlar hazırlamalıdır. Baş katibin sözlərinə görə, müttəfiqlər yarana biləcək problemlərin öhdəsindən gəlmək üçün əməkdaşlığı daha da sıxlaşdırmaq barədə razılığa gəliblər.

Stoltenberq epidemiyanın NATO ölkələrinin müdafiə hazırlığına zərər vurmadığını ifadə edib.