Moderator.az xəbər verir ki, Rusiya Dövlət Dumasının sədri Vyaçeslav Volodin dünən -18 iyunda“Qazeta ru”-ya müsahibəsində Rusiya Federasiyasının perspektiv dövlət başçısının kim olacağı barədə suala maraqlı cavab verib.

Dumanın sədri bildirib ki, Vladimir Putinin səlahiyyət müddəti bitdikdən sonra onun qurduğu sistemin fəaliyyəti davam edəcək və Konstitusiyaya qəbul edilmiş düzəlişlər "Putindən sonra" gələcək üçün bir sistem olaraq qalacaq.

“Əgər biz sizinlə güclü bir Rusiya haqqında danışırıqsa, Putindən sonra da Putin olacaq. Prezident Putindən sonra baş verən hər şey onun qoyduğu nümunələrə görə baş verəcəkdir”.

Dövlət Dumasının spikeri izah edib ki, növbəti prezident Putinin etdiklərini davam etdirəcək, çünki Putin tərəfindən qoyulmuş təmələ əsaslanacaq.

“Rusiya yalnız güclü ola bilər. Putin bunu etdi. Rusiyanı hər il daha güclü edəcək bir sistem qoydu. Yəni təməlini qoyduğu hər şey gələcəkdə şübhəsiz ki, işləyəcək və bundan sonrakı prezident də buna etibar edəcək. Bu o deməkdir ki, Putindən sonra Putin olacaq, etdiyi və yaratdığı hər şeyin davamçısı olacaq ”.

Xatırladaq ki, 2014-cü ildə Soçidəki Valday klubunun xüsusi iclasında Vyaçeslav Volodin böyük rezonans doğuran bir söz söyləmişdi:

"Putin var - Rusiya var, Putin yoxdur - Rusiya yoxdur". Beləliklə, o, prezidentin ətrafında olan rusların birlik hisslərini təsvir edib, çünki ruslar dövlət başçısına xaricdən edilən hücumları ölkələrinə edilən hücum kimi qəbul edirlər.