Erməni mətbuatı heç bir rəsmi mənbəyə istinad etmədən Azərbaycan Ordusunun Şuşanı tərk etdiyinə dair dezinformasiya yayıb.

Sosial şəbəkələrin erməni izləyiciləri bu xəbəri bayram edərkən Azərbaycanşünas Taron Ovannisyan xəbəri təkzib edən qısa məqalə ilə çıxış edib.

"Əhali, dezinformasiya yaymaq kifayətdir. Bütün sosial şəbəkədə bundan yazılır. Azərbaycan Ordusu Şuşanı tərk etməyib. Orada ancaq sülhməramlıların müşayiəti ilə birləşmələrin əvəzlənməsi prosesi gedib.

Təəssüf ki, azərbaycanlılar Şuşanı tərk etmir. Bunun yeganə yolu ancaq odur ki, nə zamansa güc toplayaq və bunu özümüz edək. Özümüzü aldatdığımız yetər".