Ermənistan Milli Təhlükəsizlik Xidmətinin keçmiş direktoru Mikael Hambardzumyan ölkəsinin ağır duruma düşməsinə münasibət bildirib.

Azvision.az xəbər verir ki, o İrəvanın ağır və biabırçı məğlubiyyətdən qaçması üçün şansı əldən verdiyini deyib: “Nikol Paşinyan Təhlükəsizlik Şurasının 20 oktyabr iclasında müharibəni dayandırmaq üçün Rusiya prezidentindən təklif aldığını demədi. Baxmayaraq ki, Onik Qasparyan və David Tonoyan görüş zamanı qələbə şansımızın olmadığını ətraflı şəkildə izah etmişdilər, "biz uduzuruq" demişdilər".

Keçmiş MTX rəhbərinin sözlərinə görə, Nikol Paşinyan müharibəni bitirmək təklifini qəbul etsəydi, minlərlə erməni hərbçi ölməzdi. Hambardzumyan Qarabağdakı məğlubiyyətə və Ermənistanın verdiyi itkilərə görə, hazırkı hakimiyyətin məsuliyyət daşıdığını xatırladıb.