Rusiya yeni neft karteli yaratmaq niyyətindədir.

Axar.az xəbər verir ki, bu iddia ilə ABŞ-ın “Biznes İnsayder” nəşri çıxış edib.

Moskva məhz bu planı sayəsində dünyanın neft hasilatının böyük bir hissəsini nəzarət altına ala bilər:

“Rusiyanın OPEK ölkələrinin hasilatı dondurması ilə bağlı danışıqlara müdaxiləsindən sonra Moskvanın neft hasil edən ölkələrə təsiri artıb. Rusiya hətta ABŞ-ın müttəfiqi Səudiyyə Ərəbistanını da hasilatı dondurmağa inandıra bilib. ABŞ-la Səudiyyə Ərəbistanının münasibətləri İranla nüvə razılaşması imzalanandan sonra pozulub. Artıq Ər-Riyad Fars körfəzində maraqlarının qorunması üçün özünə yeni müttəfiq axtarır. Bu isə hazırkı dövrdə Moskvanı Ər-Riyadla yaxınlaşdıra bilər. Məhz belə bir siyasətin yürüdülməsi sayəsində Rusiya dünyanın 73%-ni neftlə təmin edən ölkələrə liderliyi əlinə ala bilər”.