Xəbər verdiyimiz kimi, dünən Kremldə Rusiya və Fransa prezidentləri Vladimir Putin və Emmanuel Makron arasında danışıqlar 5 saatdan çox davam edib. Liderlər əvvəlcə Kremlin birinci korpusunun nümayəndəlik kabinetində təkbətək görüşüblər. Sonra isə liderlərin mətbuat konfransı keçirilib.

Bizim.Media Rusiya mətbuatına istinadən Vladimir Putinin mətbuat konfransında səsləndirdiyi tezisləri sizə təqdim edir:

- Bizim təhlükəsizliklə bağlı narahatlıqlarımız nəzərə alınmadı.

- 2019-cu ildə NATO Rusiyanı düşmən elan etdi.

- İndiki Kiyev hakimiyyəti Minsk razılaşmalarının ləğvi kursunu müəyyənləşdirib.

- Biz Rusiyada cənab Poroşenko kimi insanlara siyasi sığınacaq verməyə hazırıq.

- Makronun bir sıra ideyaları (bu haqda danışmaq hələ tezdir) Ukrayna üzrə gələcək addımların əsasını qoya bilər.

- Biz NATO-ya doğru getmirik, amma NATO bizə doğru irəliləyir.

- Əgər Ukrayna NATO-da olarsa və Krıma hücum edərsə, o zaman Rusiya Federasiyası ilə Alyans arasında münaqişə yaranacaq.

- Yaxşı, hamı sülh istəyirsə (burda pis heç nə yoxdur) niyə Rusiya Federasiyasının sərhədləri yaxınlığında zərbə sistemləri yerləşdirirlər?