Ukraynanın suverenliyinin pozulması Rusiya üçün ciddi nəticələrə gətirib çıxaracaq.

Axar.az xəbər verir ki, bunu Almaniya kansleri Olaf Şolts deyib.

“Bizim ümumi məqsədimiz Avropada müharibənin qarşısını almaqdır. Rusiya qoşunlarının Ukrayna sərhədinə hərəkəti böyük narahatlıq doğurur. Buradakı dəyərləndirməmiz də, mövqeyimiz də eynidir: Ukraynanın ərazi bütövlüyü və suverenliyinin pozulması yolverilməzdir. Bu, Rusiya üçün genişmiqyaslı siyasi, iqtisadi və təbii ki, geostrateji nəticələrə gətirib çıxaracaq”, - Şolts qeyd edib.