Ukraynanın cəsarətli birinci xanımı Olena Zelenski ərinin Rusiya işğalına qarşı ən böyük dəstəkçisi olub. Rusiya tərəfindən öldürülməsi planlaşdırılan Olena həmişə ərinin yanında uşaqları ilə birlikdə olmaqla həyatını riskə atır.

Manset.az xəbər verir ki, ölkədən qaçmaqdansa ərinin yanında qalmağa üstünlük verən Olena İnstaqram hesabında "Uşaqlarım mənə baxır. Uşaqlarımın yanındayam. Həyat yoldaşımın yanındayam" şərhi ilə paylaşım edib.

Əvvəlcə ərinin siyasətə girməsinə qarşı çıxan Olena memarlıq məktəbini bitirdikdən sonra komediya sənayesinə ssenarist kimi daxil olub.



Yazdığı komediya ssenariləri ilə Volodimir Zelenskini qısa müddətdə ölkənin ən yaxşı komediya aktyoru etməsinə baxmayaraq, Ukraynanın birinci xanımı olduqdan sonra gözdən uzaq, təvazökar həyata üstünlük verib.

Olena ssenari müəllifliyi ilə yanaşı moda ilə də maraqlanır, dünyaca məşhur moda jurnalı “Vogue”un üz qabığında pozalar verir.