Rusiyanın xarici işlər naziri Sergey Lavrovun Ermənistana səfəri yekunlaşıb. Lakin diqqət çəkən məqam Rsuiyanın xarici siyasətinin əsas simasının səfəri çərçivəsində əvvəlcədən planlaşdırılan görüş və gedəcəyi yerlərin ünvanı idi.

AzVision.az xəbər verir ki, Lavrov öncə erməni həmkarı Edvard Nalbandyanla birlikdə Tsisernakaberddə yerləşən “erməni soyqırımı” abidəsini ziyarət edib və ora əklil qoyub.

Bundan başqa, nazir memorial kompleksdəki xatirə dəftərinə bəzi sözlər yazıb.

“Çox sağ olun ki, yaddaşınızı saxlayırsınız və erməni xalqının faciəsini unutmağa qoymursunuz. Biz isə əlimizdən gələni etməliyik ki, belə hallar bir daha təkrarlanmasın”.

Daha sonra isə 2007-ci ildə İrəvanda əkdiyi yolka ağacını sulayıb.