Həbsdə olan İlqar Məmmədov deputatlığa namizədliyini irəli sürdü
3-05-2016, 21:37
Respublikaçı Alternativ Hərəkatının sədri (ReAl) İlqar Məmmədov 90 saylı Ağdaş seçki dairəsindən deputatlığa namizədliyini irəli sürüb.
Bu barədə "Report"a "ReAl"ın icra katibi Natiq Cəfərli məlumat verib.
O bildirib ki, İ.Məmmədovun sənədləri 90 saylı Ağdaş Seçki Dairəsinə təqdim olunub və dairədən imza vərəqələri götürülüb.
Qeyd edək ki, İlqar Məmmədov hazırda həbsdədir. O, 2013-cü il yanvar ayının 24-də İsmayıllıda baş vermiş kütləvi iğtişaşların təşkilində ittiham olunub. Şəki Ağır Cinayətlər Məhkəməsinin hökmü ilə İ.Məmmədov 7 il müddətinə azadlıqdan məhrum edilib.
