NATO baş katibi Yens Stoltenberq Ukrayna tərəfinin son hadisələrlə bağlı məsləhətləşmələr aparmaq üçün yeni yaradılmış NATO-Ukrayna Şurasının iclasının çağırılması tələbinə razılıq verib.

Axar.az xəbər verir ki, bunu NATO-nun sözçüsü Oana Lunqesku deyib.

Onun sözlərinə görə, növbədənkənar görüşün iyulun 26-da keçiriləcəyi gözlənilir.

Qeyd edək ki, dünən Vladimir Zelenski Nato baş katibi ilə danışdığını və Qara dənizdə təhlükəsizliklə bağlı məsləhətləşmələr üçün NATO-Ukrayna Şurasının çağırılmasını təklif etdiyini bildirmişdi.