“Microsoft” korporasiyası səmərəliliyin artırılmasının növbəti böyük mərhələsi çərçivəsində 9 minə yaxın işçini ixtisar edəcəyini açıqlayıb.
Bizimyol.info xəbər verir ki, şirkət sözçüsünün dediyinə görə, bu addım “Microsoft”un qlobal işçi qüvvəsinin 4%-dən azına təsir edəcək.

Bu, cari ilin ikinci böyük ixtisar mərhələsidir: may ayında şirkət artıq 6000-ə yaxın işçini ixtisar edib ki, bu da onun qlobal işçi qüvvəsinin 3%-ni təşkil edir.

İşdən çıxarılmalar müxtəlif bölgələrdəki müxtəlif komandalara təsir edəcək.

“Microsoft”un sözçüsü "Bloomberg"ə açıqlamasında: "Biz şirkətin dinamik bazarda uğur qazanması üçün zəruri olan təşkilati dəyişiklikləri həyata keçirməyə davam edirik", - deyə bildirib.

2024-cü ilin iyun ayının sonuna olan məlumata görə, “Microsoft”un 45.000-i satış və marketinq sahəsi daxil olmaqla, təxminən 228.000 işçisi var idi.