Gürcüstan Prezidenti Salome Zurabişvili Rusiyanın Odessaya kütləvi raket hücumuna reaksiya verib.

“Report” xəbər verir ki, bu barədə dövlət başçısı tviterdə yazıb.

Zurabişvili vurğulayıb ki, Rusiya Odessaya hücum etməklə növbəti hərbi cinayət törədib.

“Mən UNESCO-nun Ümumdünya İrs Siyahısına – Odessaya və onun mülki əhalisinə edilən hücumları, beynəlxalq hüququn bütün normalarının kobud şəkildə pozulmasını qəti şəkildə pisləyirəm”, - o, sosial şəbəkədə qeyd edib.