Pekin və Vaşinqton arasındakı geosiyasi gərginliyin SSRİ və ABŞ arasında Soyuq müharibə ilə çox oxşar cəhətləri var. Lakin bu dəfə son nəticədə uduzan ABŞ ola bilər.

Axar.az xəbər verir ki, bunu amerikalı siyasi ekspert Niall Ferqyuson bildirib.

O, SSRİ baş katibi Leonid Brejnevin 1973-cü ildə ABŞ-a səfəri ilə Çin lideri Si Szinpinin ötən həftə ABŞ-a səfəri arasında paralellər aparıb.

Ekspertin sözlərinə görə, Brejnevdən fərqli olaraq, Szinpinlə Bayden nüvə silahlarının azaldılması müqaviləsi və ya Yaxın Şərqdəki münaqişənin həlli kimi heç bir mühüm razılaşma imzalamayıblar.

"Çin artıq dünyanın əsas emalatxanasına çevrilib və ehtiyacı olan hər şeyi istehsal etmək iqtidarındadır. Məsələn, Çin hazırda dünya gəmilərinin 46%-ni təkbaşına inşa edir. "Əpl" kimi böyük Amerika korporasiyası Çindəki istehsal obyektlərindən son dərəcə asılıdır.

ABŞ-ın özü isə "mərhum Sovet Amerikası"na bənzəyir. ABŞ hökuməti ÜDM-in təxminən 7%-ni təşkil edən büdcə kəsirini maliyyələşdirmək üçün hər rübdə 776 milyard dollar borc verir ki, bu da tam məşğulluq mühitində rekord rəqəmdir", - ekspert qeyd edib.