Ukraynadakı vəziyyət dondurulmuş münaqişəyə bənzəyir, onun hərbi həlli yoxdur.

Axar.az xəbər verir ki, bunu Slovakiyanın xarici işlər naziri Yuraj Blanar Ukraynaya hərbi dəstəyin dayandırılması barədə danışarkən deyib.

O qeyd edib ki, müharibənin uzadılması yalnız daha çox insanın öləcəyi deməkdir:

"600 gündən çox davam edən müharibədən sonra bu, hərbi həlli olmayan dondurulmuş münaqişəyə bənzəyir. Onun uzadılması yalnız daha çox insanın öləcəyi deməkdir. Ona görə də biz sülh yolu ilə həlli mümkün edən hər şeyi dəstəkləyirik. İlk növbədə, bu addım Avropa Birliyindən gəlməlidir, çünki o, dinc layihə kimi yaradılmışdır və biz məhz bu orijinal ideyaya qayıtmaq istəyirik".

Qeyd edək ki, Slovakiya hökuməti Ukraynaya hərbi dəstək verməyəcəyini bəyan edib.