Əgər İrəvanın Rusiya ilə ciddi problemləri varsa, bu, Ermənistan iqtisadiyyatına Spitak zəlzələsinin üçqat nəticələrinə bərabər təsir göstərəcək.

Bunu erməni iqtisad elmləri doktoru Karen Adonts deyib.

Ekspert qeyd edib ki, Ermənistanın Rusiyadan iqtisadi asılılığı nəhəngdir, hətta zaman keçdikcə daha da güclənib:

“Turistlərin yarıdan çoxu Rusiyadan gəlir. İxracın əsas hissəsi Rusiyaya gedir. Mən hələ infrastruktur, o cümlədən enerji resurslarından danışmıram. Əgər Rusiya nəinki xəbərdarlıq etsə, bu yaxınlarda konyakla bağlı olduğu kimi, real addımlar atarsa, onda bu nəticələri təsəvvür etmək belə çətindir. Dəhşətli şəkil olacaq. Buna görə də addımları və bəyanatları hesablamaq lazımdır, onlar balanslaşdırılmış olmalıdır, əks halda iqtisadi artım və digər təsirlər çox tez dağılacaq”./axar.az