Kremlin “məntiqinə” görə Rusiya Ukraynanın cəbhə xəttindən uzaq şəhərlərinə, o cümlədən paytaxt Kiyevə, Odessaya raket zərbəsi endirə bilər, Ukraynanın isə Rusiyanın mövqelərinə zərbə endirmək ixtiyarı yoxdur. Kreml Ukraynanın Krım sahilindəki hərbi gəmisinə endirdiyi raket zərbəsinə cavab olaraq Ukraynanın bir çox şəhərinə raket və dron zərbələri endirdi, mülki insanlar arasında ölənlər oldu. Ukrayna da buna cavab olaraq Rusiyanın Belqorod şəhərindəki müxtəlif obyektlərə zərbələr endirdi. Belqrododda da mülki insanlar arasında ölənlər var. Beləliklə, Rusiya-Ukrayna müharibəsi cəbhə xəttindəki döyüşləri aşıb, şəhərlərin bombalanması bu il də davam edəcək. Kreml Ukraynaya dəstək verən Qərbdəki bəzi dairələrin yorğunluğunu nəzərə alaraq müharibənin Rusiyanın xeyrinə dəyişdiyini düşünərkən savaş yeni fazaya daxil olub.
Elxan Şahinoğlu
Teref: Xocanin Blogu