Vaşinqtonda, 6 yanvar 2021-ci ildə baş verən Kapitoliyə hücumun səbəbi Donald Trampın zəngləri və yalan ifadələri olub.

Bu sözləri Pensilvaniya ştatında ABŞ-ın hazırkı prezidenti Co Bayden deyib.

“Donald Trampın yalanları ucbatından 140-a yaxın polis əməkdaşı yaralandı, onun yalanları əhalini Vaşinqtona gətirdi”, - Bayden deyib.

Qarşıdurmanın səbəbləri ilə bağlı fikirlər səsləndirən Bayden 2020-ci ildə prezident seçkilərində qalib gəldiyini, Trampın isə uduzduğunu, lakin bunu etiraf etmək istəmədiyini bir daha vurğulayıb.

Qeyd edək ki, Bayden ilə Trampın bir çox məsələlərdə fikirləri bir-birinə əksdir və hər ikisi vaxtaşırı olaeaq bir-birlərini “üsyançı” adlandırırlar.

Qeyd edək ki, Tramp ABŞ məhkəməsindən Kapitoliyə hücumla bağlı işə xitam verilməsini tələb etmişdi. Dekabrın 31-də isə ABŞ Trampın prezident seçkilərindən kənarlaşdırılmasının nə ilə nəticələnəcəyi barədə xəbərdarlıq edib.

Aytən