İsrail ordusu Qəzzada dəniz suyunun tunellərə vurulduğunu təsdiqləyib.

Publika.az xəbər verir ki, İsrail ordusundan verilən yazılı açıqlamada HƏMAS-ın hərbi qanadı İzzəddin əl-Qəssam Briqadalarına aid bəzi tunellərə çoxlu miqdarda dəniz suyunun vurulduğu bildirilib.

Açıqlamada aparılan mühəndislik işləri çərçivəsində nasos və borularla tunellərə suyun vurulduğu qeyd edilib, torpaq və su yolları analiz edilərək qrunt sularının zədələnməsinin qarşısı alındığı iddia olunub.

Açıqlamada son illərdə İsrail ordusu və təhlükəsizlik orqanlarının inkişaf etdirdiyi bu üsulla HƏMAS-ın Qəzza zolağındakı yeraltı infrastrukturuna qarşı əməliyyatlar aparıldığı vurğulanır.

Roza Şəfiyeva