Brüssel Qərbin münaqişəyə müdaxiləsini istisna edib, lakin silah tədarükünü və hərbçilərin təlimini davam etdirəcəyini vəd edib.
Avropa İttifaqı Ukraynaya təhlükəsizlik təminatlarının verilməsinə dair saziş layihəsini razılaşdırıb, o, Aİ əsgərlərinin Rusiya Federasiyasına qarşı hərbi əməliyyatlarda birbaşa iştirakını nəzərdə tutmur.
Bu barədə “Die Welt” sənədə istinadən yazıb.
Qəzet qeyd edib ki, layihə hazırda Kiyevlə müzakirə olunur.
Təhlükəsizlik zəmanətləri Ukraynaya siyasi, hərbi və iqtisadi yardımı əhatə edir. Onlar Ukrayna Aİ və NATO-ya daxil olana qədər qüvvədə olmalıdırlar. Jurnalistlər iddia edirlər ki, Avropa İttifaqı iyulun əvvəlindən gec olmayaraq bu zəmanətləri vermək istəyir.
Ukraynaya yeni hücumlar olarsa, Aİ və Kiyev 24 saat ərzində Ukraynanın ehtiyacları ilə bağlı məsləhətləşməlidir. Beləliklə, Brüssel Qərbin münaqişəyə müdaxiləsini istisna edib, lakin silah tədarükünü və hərbçilərin təlimini davam etdirəcəyini vəd edib.
Bundan əvvəl Rusiyanın xarici işlər naziri Sergey Lavrov bildirib ki, Rusiya Ukrayna ilə danışıqları bərpa etsə, hərbi əməliyyatları dayandırmayacaq. Reallıqlar fərqli olub, onları nəzərə almaq lazımdır.