Xarici KİV: “Putin Ukraynadakı hazırkı cəbhələrdə atəşkəs istəyir”
25-05-2024, 09:04
Rusiya prezidenti Vladimir Putin razılaşdırılmış atəşkəslə Ukraynada müharibəni dayandırmaq istəyir.
“Reuters”ə danışan dörd rus xəbər mənbəyi bəyan edib ki, Rusiya prezidenti Vladimir Putin Ukraynanın hazırkı cəbhə xəttində əldə olunan nailiyyətləri qoruyan razılaşdırılmış atəşkəslə müharibəni dayandırmağa hazırdır, lakin Ukrayna və Qərb dövlətləri buna cavab verməsə, müharibəni davam etdirməyə hazırdır.
Putinin yaxın çevrəsindəki danışıqlara yaxın üç mənbənin verdiyi məlumata görə, Putin Qərb dövlətlərinin danışıqlara mane olmaq cəhdlərindən və Ukrayna prezidenti Vladimir Zelenskinin danışıqları rədd etmək qərarından məyusluğunu müşavirlərinə çatdırıb.
Putinlə işləmiş və Kremldə yüksək səviyyəli danışıqlardan məlumatı olan Rusiya xəbər mənbəyi deyib: “Putin lazım olduğu qədər döyüşə bilər, lakin o, müharibəni dayandırmaq üçün atəşkəsə də hazırdır”.