Dünya hazırda "qlobal ideoloji üçüncü dünya müharibəsinə doğru gedir". Bu münaqişədə Moskvanın, Pekinin və onların müttəfiqlərinin maraqları Vaşinqtonun maraqlarına ziddir.
ABŞ ideoloji "üçüncü dünya müharibəsi"ni Rusiya və Çinə uduzur.
Bu barədə "The Hill" məlumat yayıb.
Nəşr izah edib ki, dünya hazırda "qlobal ideoloji üçüncü dünya müharibəsinə doğru gedir". Bu münaqişədə Moskvanın, Pekinin və onların müttəfiqlərinin maraqları Vaşinqtonun maraqlarına ziddir.
Eyni zamanda, Amerika Birləşmiş Ştatları Tayvandakı potensial münaqişə, eləcə də Ukrayna və Yaxın Şərq böhranları ilə məşğul olur. Bundan əlavə, ABŞ-ın Saxara-Saxel bölgəsində nüfuz uğrunda mübarizə apardığı bildirilir. Məqalədə deyilir ki, Vaşinqton burada məğlub olur.
Nəşrin müəllifləri hesab edirlər ki, Amerika lideri Co Bayden ABŞ-ın "üçüncü dünya müharibəsinin ortasında olduğunu" etiraf etmək istəmir. Üstəlik, prezident bu mübarizədə qalib gəlmək üçün heç bir tədbir görmür. Bu səbəbdən Bayden administrasiyası "hərbi potensialdan, silah istehsal etmək gücündən fəlakətli şəkildə korluq çəkir".
Bundan əvvəl Ağ Evin strateji kommunikasiyalar üzrə koordinatoru Con Kirbi ABŞ-ın Rusiya ilə Çin arasında münasibətlərin inkişafından narahat olduğunu bildirmişdi.