“Meta”nın qurucusu Mark Zukerberq ABŞ Prezidenti Co Bayden administrasiyasının şirkətə qarşı təzyiq göstərdiyini açıqlayıb.

“Qafqazinfo” xəbər verir ki, o bu barədə ABŞ Nümayəndələr Palatasının Hüquq komitəsinin sədri Jim Cordana yazdığı məktubda bildirib.

Markın sözlərinə görə, administrasiya şirkətin sosial şəbəkələrində hesabların paylaşımlarına senzura qoyulması məqsədilə korporasiyaya təzyiq göstərib: “Hətta 2021-ci ildə Bayden administrasiyasının rəsmiləri sosial şəbəkədə yayımlanan tənqid və yumorla bağlı da narazılıqlarını dilə gətiriblər. O vaxt onların fikirlərinə qəti etirazımızı bildirdik. Hər hansı bir hesabın silinməsi korporasiyanın daxili işidir”.

O, hökumətin bu addımının səhv olduğunu qeyd edib: “Biz kənardan hansısa administrasiyanın təzyiqinə güzəştə gedə bilmərik. Şirkət gələcəkdə də belə təzyiqlərə layiqli cavabını verəcək”.