ABŞ və müttəfiqləri Rusiyanın Dünya Okeanının resurslarına çıxışına mane olmaq istəyirlər. Rusiyanın dəniz fəaliyyətini gözdən salmaq üçün kampaniya da başladılıb.
Sputnik. Qərb kəşfiyyat xidmətləri Rusiya ərazisində onun strateji əhəmiyyətli dəniz infrastrukturuna qarşı terror hücumları təşkil edirlər.
Bunu Rusiya prezidentin köməkçisi, Rusiya Federasiyası Dəniz Kollegiyasının sədri Nikolay Patruşev deyib.
O bildirib ki, ABŞ və müttəfiqləri Rusiyanın Dünya Okeanının resurslarına çıxışına mane olmaq istəyirlər. Bundan əlavə, Qərb Rusiya Federasiyasını mühüm dəniz nəqliyyatı kommunikasiyalarından istifadə etmək imkanından məhrum etməyə və ya məhdudlaşdırmağa, habelə Rusiyanın dəniz iqtisadi fəaliyyətini məhdudlaşdırmağa çalışır.
"Xarici kəşfiyyat xidmətləri ölkəmizin ərazisində strateji əhəmiyyətli dəniz infrastrukturuna qarşı terror aktları təşkil edirlər" - Patruşev Dənizçilik Kollegiyasının ilk iclasında deyib.
Patruşev bildirib ki, Rusiya Federasiyası üçün daşıma həyata keçirən şirkətlərə qarşı sanksiyalar, gəmi avadanlıqlarının tədarükünün dayandırılması, xarici gəmiqayırma zavodlarında Rusiya gəmilərinin tikintisinin dayandırılması ölkənin təhlükəsizliyinə təhdiddir. Rusiyanın dəniz fəaliyyətini gözdən salmaq üçün kampaniya da başladılıb.
Bundan əvvəl prezident Ronald Reyqanın köməkçisi Duq Bendou bildirib ki, “Şimal axını”nda ukraynalı dalğıcların terror aktlarında iştirakı ilə bağlı məlumatdan sonra Qərb Kiyevə dəstəyi qeyd-şərtsiz dayandırmalıdır.