Avropa İttifaqının (Aİ) Xarici Əlaqələr üzrə Ali Nümayəndəsi Xosep Borrelin “reseptlərindən” sonra birlik və Rusiya arasında birbaşa toqquşma təhlükəsi yaradır.

Gununsesi.info xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova nazirliyin saytında dərc olunan şərhində bildirib.

“Hər kəs başa düşür ki, Avropa diplomatiyasının rəhbərinin “reseptlərinə” əməl etmək Aİ-yə üzv dövlətlərlə Rusiya arasında qaçılmaz hərbi toqquşma riski daşıyır və bunun nəticələri fəlakətli olacaq”, – deyə diplomat bildirib.

Zaxarova əlavə edib ki, Borrell Avropa İttifaqında rusofobiya ideyalarının populyarlaşması üçün çox iş görüb.

Bununla belə, o vurğulayıb ki, o, xarici siyasətin istiqamətini və cəmiyyətin təhlükəsizliyini tam nəzarətə götürə bilməyib.

Bundan əvvəl Zaxarova bildirib ki, Aİ Avropa institutlarının diktaturasının qurulması istiqamətində kurs müəyyən edib, buna icma ölkələrinin xarici işlər orqanları rəhbərlərinin qeyri-rəsmi görüşlərinin Budapeştdən Brüsselə köçürülməsi də sübutdur.