2023-cü ildə okeanlar rekord səviyyədə isinib ki, bu da iqlim dəyişikliyində dönüş nöqtəsi ola bilər.
Bu barədə bir qrup çinli alim tərəfindən "Science" jurnalında dərc olunan araşdırmanın nəticələrinə istinadən məlumat verilib.

Alimlərin araşdırmasına görə, dəniz istilik dalğaları adi haldan 4 dəfə uzun çəkib və okeanın 96%-ni əhatə edib. Şimali Atlantikada dəniz istilik dalğaları 525 gün davam edib, Sakit okeanın şərqində isə temperatur 1.63 dərəcə yüksəlib.

Alimlər bunu buludluluğun azalması, küləklərin zəifləməsi və cərəyanların dəyişməsi ilə əlaqələndirirlər. Onların fikrincə, 2023-cü ilin rekordları Yerin iqlim sistemində böyük dəyişikliklərdən xəbər verə bilər.

Dəyişikliklər balıqçılığa və digər dəniz canlılarına zərər verə bilər, çünki onlar dəniz ekosistemləri üçün ciddi təhlükə yaradır və mərcanların ölümünə səbəb olur.