NATO-nun sabiq baş katibi: Əfqanlara verdiyimiz sözü tuta bilmədik
Bu gün, 11:04
NATO-nun sabiq baş katibi Yens Stoltenberq etiraf edib ki, Şimali Atlantika Müqaviləsi Təşkilatı (NATO) Əfqanıstan sakinlərinə verdiyi vədi yerinə yetirə bilməyib.
Stoltenberq bu barədə "Financial Times" nəşrinə müsahibəsində bildirib.
O qeyd edib ki, NATO Əfqanıstanı yalnız "Taliban" hərəkatının geri dönməyəcəyinə əmin olduqdan sonra tərk edəcəyini vəd vermişdi:
"Onlara dedim ki, bizim Əfqanıstandan çıxmağımız müəyyən şərtlərə bağlıdır. Biz yalnız əfqanların öz ölkələrini müdafiə edə biləcəyinə və taliblərin geri dönməyəcəyinə əmin olduqdan sonra gedəcəyik. Lakin NATO bu vədi yerinə yetirə bilmədi".
