Demokratlar Partiyasının güclü olduğu ABŞ-nin 6 ştatının baş prokurorları prezident seçkisində qalib gələn Donald Trampın qeyri-qanuni miqrantları kütləvi şəkildə ölkədən deportasiya etməsinin qarşısını almağa hazırlaşırlar.

Oxu.Az xəbər verir ki, bu barədə "Politico" yazır.

Bildirilir ki, Demokrat baş prokurorlar Trampın qeyri-qanuni mühacirləri kütləvi şəkildə deportasiya etməsinin qarşısını almaq üçün çoxlu sayda məhkəmə iddiaları hazırlayırlar.

Onların fikrincə, Trampın miqrantların kütləvi deportasiyası planlarını həyata keçirməsi ilə ən azı 4 milyon ailə ayrılacaq.

Nəşrdə yalnız beş ştatın - Nyu-Meksiko, Nyu-Cersi, Kolorado, Kaliforniya və Massaçusetsin adları qeyd olunur.